O karate da Baña está de noraboa. Os seus representantes acadaron excelentes resultados no Campionato Galego Infantil e Copa Cadete, celebrado este sábado, 8 de marzo, en Santiago de Compostela.

O gran protagonista da xornada foi Markel Villaverde, de Corneira, que se proclamou campión galego en kumite xuvenil masculino <54kg, subindo ao máis alto do podio. Pola súa banda, Martina Barreiro, de Ordoeste, logrou un meritorio terceiro posto en kumite xuvenil feminino <36kg, demostrando o gran nivel da canteira local.

O éxito destes deportistas non sería posible sen o traballo e apoio do seu adestrador, Nicolás Carnota, quen acompañou e preparou aos competidores.

Os tres forman parte da Escuela de Karate Akai Ryu de Negreira, un club que continúa a consolidarse como referente na formación de novos talentos no mundo do karate en Galicia.