Santiago chama ao consumo responsable de auga ante o descenso do caudal do Tambre

O Concello reduce ao mínimo os usos municipais non esenciais e insta veciñanza e empresas a racionalizar o gasto, nun contexto de altas temperaturas e ausencia de chuvias
Santiago chama ao consumo responsable de auga ante o descenso do caudal do Tambre
Detalle da guía realizada polo Concello de Santiago

O suministro de auga a Santiago está garantido, mais o seguimento continuado da situación hidrolóxica vivida coa vaga de calor e ausencia de chuvias amosa que o nivel do río Tambre no punto de captación para Santiago, principal fonte de abastecemento da cidade, descendeu por debaixo do caudal ecolóxico ordinario

 

Aínda con este descenso no punto de captación da ETAP, é necesario ter en conta que o seguimento semanal do estado do encoro de Vilagudín indica que as reservas existentes actualmente son do 99,27%.

 

Tamén se aprecia que o consumo de auga potable está actualmente en niveis moi elevados, nun momento en que o caudal do Tambre está descendendo con rapidez. Ademais, as previsións meteorolóxicas apuntan a que nas vindeiras semanas se manterán as altas temperaturas e a ausencia de chuvias, polo que non se prevé unha recuperación do caudal a curto prazo. 

WhatsApp Image 2025 08 14 at 13
Guía de consellos do Concello para facer un uso responsable na cociña

 

Ante esta situación, o Concello está a minimizar os consumos municipais de auga non esenciais, aínda que este tipo de consumos representa tan só o 10% do total, e volve apelar á cidadanía para que faga un consumo responsable e racional de auga. Tamén insta ás empresas e industrias a reducir ao mínimo imprescindible o consumo de auga da rede municipal.

Santiago chama ao consumo responsable de auga ante o descenso do caudal do Tambre

Te puede interesar