A delegación do Goberno central en Galicia vén de anunciar a instalación de 23 puntos de recarga para vehículos eléctricos na estación de tren de Santiago de Compostela.

Estes espazos, á súa vez, serán abastecidos con enerxía limpa xerada a partir de fontes renovables e respectuosas co entorno natural.

O investimento total para esta actuación é de más de 400.000 euros. Con ela, segundo explica a subdelegada do Goberno, María Rivo, “búscase impulsar o transporte limpo nos traslados desde e cara ás estacións ferroviarias e incrementar os servizos aos viaxeiros nestes espazos, chamados a converterse en nodos de mobilidade sostible e intelixente”. 

Adif e Adif Alta Velocidade adxudicaron a subministración, a instalación, a operación e o mantemento destes puntos de recarga a Repsol Comercial de Produtos Petrolíferos, que dispón dun prazo de execución de 30 meses.

O proxecto forma parte do programa Ecomilla, destinado a promover a mobilidade enerxeticamente eficiente e con cero emisións nos desprazamentos de primeira e última milla.