A III Celtic Cup terá lugar en Santiago de Compostela da man da Asociación Galega de Fútbol Gaélico (AGFG) o vindeiro sábado 8 de marzo. Á cita acoden un total de once equipos (seis femininos e cinco masculinos) chegados de Irlanda, Inglaterra, Bretaña e, por suposto, Galicia. Está previsto que asista á competición o embaixador de Irlanda.

A primeira edición desta competición de fútbol gaélico celebrouse en Lalín, a segunda foi en Ourense e a quenda neste 2025 é para Compostela. Na última edición desta competición a Selección Galega masculina conquistou o trofeo, mentres que o triunfo feminino foi para o Malahide.

A fase de grupos da III Celtic Cup xogarase de 9.00 a 17.00 horas no campo de Santa Isabel, usando de supletorio o terreo de xogo da Universidade de Santiago de Compostela (USC), no Campus Sur, no tramo horario de 9:00 a 12:00 horas. As finais xogaranse ás 17.30 horas a masculina e ás 18.30 horas a feminina.

Con respecto a anteriores edicións aumenta o número de equipos participantes notablemente. En Lalín houbo tres equipos masculinos (xogouse un triangular) e dous femininos (partido único). En Ourense foi ao revés, houbo tres femininos e dous masculinos. Polo tanto o número de conxuntos en competición pasa de cinco a once.

Media ducia de equipos participarán na Celtic Cup feminina. Son os seguintes: Galicia A, Galicia B, Round Towers (Londres), selección de Bretaña, St. Eunans (Donegal) e Kilmacud Crokes (Dublín). A competición xogarase en dous grupos de tres equipos na fase de grupos, avanzando os dous primeiros a semifinais. As gañadoras pasarán á final.

No caso do torneo masculino hai cinco conxuntos competindo: Galicia A, Galicia B, St Brendans (Londres), St Sylvesters (Dublín), selección de Iberia. Neste caso disputarase unha liguilla todos contra todos. Serán os dous primeiros clasificados os que disputarán a final.

A entrega de trofeos e a festa post torneo terán lugar no Restaurante A Nave de Vidán,

Esta III Celtic Cup poderá seguirse nos terreos de xogo e tamén desde a casa a través da canle de Youtube da Asociación Galega de Fútbol Gaélico (AGFG) www.youtube.com/@gaelicogalego que emitirá toda a competición. Ademais, as finais masculina e feminina transmitiranse pola web da Crtvg www.agalega.gal en directo e pola canle G2 en diferido.

Estos son os convocados nos equipos galegos

GALICIA FEMININO A

·       Alba Rodríguez Fernández (Auriense)

·       Iria Labandeira Belda (Auriense(

·       Ánxela Mª Estévez Salguero (Estrela Vermelha)

·       Emma Rojas Amosa (Estrela Vermelha)

·       Lourdes Rey Cascallar (Estrela Vermelha)

·       Tamara Mulaosmanovic (Estrela Vermelha)

·       Laura Nercellas (Estrela Vermelha)

·       Eva Lago Neira (Fillas de Breogán)

·       Sara López Pita (Fillas de Breogán)

·       Vanesa Puente (Fillas de Breogán)

·       Leticia Zapata (Fillas de Breogán)

·       Antonella Larrascq Alvarez (Turonia)

·       Silvia Álvarez Álvarez (Turonia)

GALICIA FEMININO B

·       Antía Botana Vazquez (Auriense)

·       María Arias vazquez (Auriense)

·       Nicole Lugo Toro (Auriense)

·       Lucía  Fernández Ferrer (Auriense)

·       María Silveira Loureiro (Estrela Vermelha)

·       Laura Gutierrez Vara (Estrela Vermelha)

·       Rocio Aldrey Paz (Estrela Vermelha)

·       Uxía Otero Fernández (Estrela Vermelha)

·       Aldara Montero Pardavila (Fillas de Breogán)

·       Jenny González Alvarez (Fillas de Breogán)

·       Iria Quiroga lopez (Fillas de Breogán)

·       Antía Iglesias Iglesias (Lavandeiras)

·       Alexandra Figueroa Vázquez (Turonia)

·       Lidia Diaz González (Turonia)

·       Loreto Alonso Fernández (Grovias )

·       María Estrada Rodriguez (Grovias)

GALICIA MASCULINO A

·       Mateo Fernández (Estrela Vermelha)

·       Pablo Mascareñas (Estrela Vermelha)

·       Gábor Pazos (Estrela Vermelha)

·       Bruno López (Fillos de Breogán)

·       Daniel Vaamonde (Fillos de Breogán)

·       Adrián Ambrosio (Keltoi)

·       Ismael Méndez (Turonia Gondomar)

·       Victor Santos (Fillos de Breogán)

·       Iago Couso (Estrela Vermelha)

·       Adriano Quiroga (Estrela Vermelha)

·       Ismael Pereira (Keltoi)

·       Samuel Lagoa (St. Peregrines, Dublín)

·       Víctor Mera (Estrela Vermelha)

·       Julio Docampo (Keltoi)

·       Millán Brea (Auriense)

·       Daniel Conde (Estrela Vermelha)

GALICIA MASCULINO B

·       David de la Torre (Estrela Vermelha)

·       Joaquim Fabres (Auriense)

·       Noé Asensio (Turonia Gondomar)

·       Edgar Cruz (Estrela Vermelha)

·       Iker Calvo (Lorchos)

·       David Chaves (Lorchos)

·       Sintayehu García (Auriense)

·       Tomás Lagoa (Estrela Vermelha)

·       Antonio Lago (Keltoi)

·       Alexandre Louzao (Estrela Vermelha)

·       Iker Nine (Lume de Beltane, Poio)

·       Andrés Novoa (Auriense)

·       Darío Eyre (Auriense)

·       Miguel García (Turonia Gondomar)

·       David Dios (Keltoi)

·       Daniel (escola Boqueixón)

·       Simón (escola Boqueixón)