Como cada semana, a oferta cultural de Santiago de Compostela é variada e está chea de actividades para o tempo de lecer. Nesta ocasión, as persoas poden continuar visitando a mostra "Facémolo co corpo. A performance é cousa de mulleres", que está disponible no Auditorio de Galicia ata o 28 de setembro. 

Ademais, en relación con esta mostra na que se recolle o traballo dun importante número de artistas relacionadas ca historia da performance, o 16 de setembro o Auditorio de Galicia acolle a presentación dunha publicación relacionada con esta ás 19.00 horas. 

O xoves 18 de setembro ás 19.30 horas, na praza das Praterías, a Banda de Música de Santiago de Compostela ofrecerá o concerto "Da Senra á Porta do Camiño" con Casiano Mouriño Maquieria como director. Ademais, a banda tamén dará  o concerto "Festas no barrio de Fontiñas" o domingo 21 de setembro ás 13.00 horas. 

Seguindo co universo musical, a Real Filharmonía de Galicia presenta dúas actuacións de "Concertos nos Barrios". Unha delas tamén o xoves ás 19.30 horas no Centro Sociocultural de Santa Marta e a outra o venres 19 á mesma hora pero na igrexa de Santo Agostiño. Ambas son de entrada libre.